TRAICTE DE L'EPILEPSIE,
Maladie vulgairement appellée au pays de Prouence, la gouttete aux petits enfans.

Compofé par M. Iean Taxil, Docteur en Medecine, natif des Sainctes Maries, Medecin d'Arles.

A Lyon, M. DCII.

LIVRE I, Chapitre 18

Des fignes de l'Epilepfie.

On cognoit les petits enfans eftre Epileptiques par les fignes fuiuans, fçauoir par le trẽblement des bras, & des iambes, ou de la tefte, par l'efcume qui fort de leur bouche, par les cris, & par l'abondance des phlegmes, qu'on entend decouler de leur cerueau, & par la foibleffe qu'ils ont en tettant : car la plufpart de tels affligez, ne peuuent tetter. Que fi le mal leur vient des vers, on le cognoit par vn grand affopiffement : car ils ne veulent faire que dormir, & s'efueillent en furfaut. Tous lefquels fignes, où la plufpart d'iceux, font aifez d'eftre recogneus aux affligez, & principalement au deffaut de la Lune, auquel temps ceux qui font attaints de ce mal, ne faillent point d'eftre tourmentez, vray eft qu'aucunes fois on |163| ne void point de conuulfion manifefte, finon qu'vn tournoyement des yeux. Ceux qui font fortis de l'enfance, & puberté, & qui font forts, pour refifter au mal, font compaffion, & creue cœur à ceux qui les regardent, cepẽdant qu'ils en font trauaillez : car leur paroxyfme leur arriue, leur face commence à blefmir tout à coup, leur langue à balbutir, & begayer, leur tefte s'apefantift, & leur femble que leurs yeux eftincellent, comme chandelles, & tout à coup priuez de lumière, tombent fubitement, perdans les functions animales, & excitant vne tragedie, qui faict horreur aux affiftans, auec vne retraction des nerfs furieufe, & frequente, faicte au refte, d'vne telle façon, qu'il eft impoffible de la contrefaire, à ceux qui le voudroyent. On remarque encore, vn tournoyement des yeux hideux, vn craquement des dents effroyable, qui leur martelle fouuent la langue, vne grande difficulté d'haleine, & frequente agitation des polumons, vne efcume greumeufe, vne voix interrompue, & non fignificatiue, & quelques fois vn vomiffement, ou naufée, auec vne tẽmpefte des rots intolerable les preffent, & vn grand battement d'eftomach les precipite à vne fuffocation : vn tremblement, & agitation des membres efpouuuentable l'affaut de toutes parts, accompagné aucunesfois d'vn hurlement beftial, & d'vne expulfion des excremens inuolonataire : & eftant ainfi en vn fi piteux, & lamentable eftat, priué de l'entendement, |164| & du fens, il eft le trifte fpectacle des assiftans, lefquels ont bien en tel horreur ce mal, qu'ils ne l'ofent le plus fouuent nõmer, & à caufe de fes cruels effects, le peuple luy attribue plufieurs autres nõs, outre ceux que nous auons cottez au premier chapitre : aucũs l'appelle mal de terre, & quelques anciens l'ont appellé, morbum cui insputatur, à caufe de fon horreur, auffi à la verité, celuy qui en eft tourmenté, meriteroit mieux d'eftre appellé εκπληκτικος, que επιληκτικος, que vaut autãt à dire, que terrible, ou horrible, à caufe de la frayeur qu'il fait au peuple. Tous les fignes que nous auons dict, font communs aux Epilepfies inueterées, tant à celles qui font idiopathiques, qu'à celles qui font fympathiques, vray eft qu'en celles qui font faictes par fimpathie, aucunesfois les malades fentent mõter manifeftement le vent malin au cerueau, (ce que ne fe faict pas à l'idiopathique) cõme celle que Galen dict auoir obferué, laquelle prenoit fource d'vne malignité enclofe au pied, s'efleuoit par interualle, & montoit au cerueau. Paré & plufieurs autres bons autheurs, en ont veu plufieurs femblables. I'en ay veu vne femblable à vne femme des Sainctes Maries, mariée en la ville d'Arles, appellée Alis, laquelle fentoit monter la venenofité du pied iufsqu'au cerueau, & fuft guerie, par le moyen d'vn cauftic, que maiftre Didier Cheualier, Chyrurgien de cefte ville d'Arles homme tres-expert en fon art, luy appliqua, |165| & defpuis ne s'en eft point plainte. Tu la cognoiftras fi elle vient de l'eftomach, par la douleur qu'ils fentent en cefte partie, & en ce qu'ayant ieuné plus que de couftume, ils en font attrapez, & apres auoir mangé, elle ceffe, comme Galen dict auoir obferué à vn certain Grammairien, qui en eftoit tourmenté, s'il demeuroit trop de manger. Si elle prẽd fource de la matrice, on la cognoiftra par la fuffocation, & accidens de cefte partie, par la fuppreffion des mois, par les rots, & ventofitez qui roulent au petit ventre, fi elle vient de la femence deprauée, elle fera cognüe par le rapport du malade : car il te dira, fi apres auoir gardé longtemps continence, ce mal luy arriue, ce qu'arriue fouuent aux uefues, & quelquesfois aux groffes, & gaillardes files, comme auffi à quelques bons compagnons ; tefmoing le cuifinier d'vn certain monaftere d'Allemagne, comme ia efté dict cy deuant : mais cela eft fort rare aux hommes. Quand à celle qui eft faicte de la piqueure d'vn Scorpion, d'vn ferpent, & autre femblable animal, cela eft manifefte, par le raport du malade, & par le venin qu'il fent monter au cerueau. Toutes lefquelles efpeces font les mefmes effects, & font tomber le malade par terre, dequoy il ne fe faut eftonner, veu qu'vne des plus nobles parties du corps, fçauoir le cerueau, eft l'efée sãs laquelle il eft impoffible de pouuoir exercer les functions animales, tout ainfi comme |166| il eft impoffible à vn Pilote, de pouuoir regir fon nauire fans gouuernail, ains de neceffité le laiffe flotter, à la mercy des vents. Cefte maladie eft tres bien crayonnée au vif par Lucrece, parlant ainfi :
Quin etiam fubito, vi morbi, fæpe coactus
Ante oculos, quis noftros, ut fuminis ictu,
Cõcidit, et fpumas agit, ingemit, et tremit artus
Defipit, extentat neruos, torquetur, anhelat,
Inconftanter, & in iactando, membra fatigat :
Nimirû quia vis morbi, diftracta per arctus,
Turbat agens animam, fpumanti ut in æquore falfo.
Ventorû vailidis feruefcût, viribus undæ, & c.
En passant le temps nous luy auons donné cefte defcription,
Ut de flammifera, tremebundus Jupiter, arce
Intonat : & turres crepitanti fulgure frangit,
Nõ fecus, hæc tremebûda lues, terrorib° altis,
Ac tabo indomito, mortalia pectora complens,
Cum ad cerebri fedes, viru confcendit acuto,
(Nec mora, nec requies) ferpenti cõcutit aura
Languida membra ægri, atque animi penetralia turbat.
Retibus occlufis, animalis deperit ignis.
Atque venenifico, cadit actum turbine corpus.
Hinc hominis mentẽ, vecors dementia vertit,
Hinc artus tremuli, motu quatiuntur inani :
Auditur ftridor, fpumæ funduntur abore,
Fit ftertor, ftertorque, fonat de pectoris imo :
Vndique, fit luctus (monftrum miferabile vifu.)
Poft varios, tandem nixus, natura venenum
Excutit , inde æger veluti reuocatus ab orco,
Paulatim cælo, potis eft, conuertere vultus :
Donec fæua, mali femper remeabilis, ira,
Lãguentis cerebri, rurfus confcẽdat ad arces.